Qazaqstan Respýblıkasy Qarjy mınıstrliginiń buıryǵy №477

2014 jylǵy 5 qarasha,  Astana qalasy Býhgalterlik esep salasynda kásipkerlik qyzmetti júzege asyratyn  býhgalterlik uıymdarǵa men kásibı býhgalterlerge arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý erejelerine qoıylatyn talaptardy bekitý týraly «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasy Zańynyń 11-baby 3-2-tarmaǵyna sáıkes buıyramyn: 1. Qosa berilip otyrǵan Býhgalterlik esep salasynda kásipkerlik qyzmetti júzege asyratyn býhgalterlik uıymdarǵa men kásibı býhgalterlerge arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý erejelerine qoıylatyn talaptar bekitilsin. 2. Qazaqstan Respýblıkasy Qarjy mınıstrliginiń Qarjy monıtorıngi komıteti (B.Sh. Tájiıaqov) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkeýden ótkennen keıin on kúntizbelik kún ishinde ony merzimdi baspasóz basylymdarynda jáne «Ádilet» aqparattyq-quqyqtyq júıesinde jarııalaýǵa jiberilýin; 3) osy buıryqtyń Qazaqstan Respýblıkasy Qarjy mınıstrliginiń Internet-resýrsynda ornalastyrylýyn qamtamasyz etsin. 3. Osy buıryq 2014 jylǵy 15 jeltoqsannan bastap qoldanysqa engiziledi jáne resmı jarııalanýy tıis. Qazaqstan Respýblıkasynyń Qarjy mınıstri B. SULTANOV. Qazaqstan Respýblıkasy Qarjy mınıstriniń 2014 jylǵy 5 qarashadaǵy № 477 buıryǵymen bekitilgen Býhgalterlik esep salasynda kásipkerlik qyzmetti júzege asyratyn býhgalterlik uıymdar men kásibı býhgalterlerge arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý erejelerine qoıylatyn talaptar 1. Jalpy erejeler 1. Osy Býhgalterlik esep salasynda kásipkerlik qyzmetti júzege asyratyn býhgalterlik uıymdar men kásibı býhgalterlerge arnalǵan qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý maqsatynda ishki baqylaý erejelerine qoıylatyn talaptar (budan ári – Talaptar) «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasynyń Zańyna (budan ári – AQ/TQQ týraly Zań) jáne Aqshany jylystatýǵa qarsy kúrestiń qarjylyq sharalaryn ázirleý tobynyń (budan ári – FATF) halyqaralyq úlgilerine sáıkes ázirlendi. 2. Osy Talaptarda Qarjy monıtorınginiń sýbektilerine býhgalterlik esep salasynda kásipkerlik qyzmetti júzege asyratyn býhgalterlik uıymdar men kásibı býhgalterler (budan ári – Sýbektiler) jatady. 3. Eger Talaptarda ózgeshe kózdelmese, onda Talaptarda qoldanylǵan uǵymdar AJ/TQQ týraly Zańda jáne «Býhgaltelik esep pen qarjylyq eseptilik týraly» 2007 jylǵy 28 aqpandaǵy Qazaqstan Respýblıkasynyń Zańynda kórsetilgen maǵynada paıdalanylady. 4. Talaptar maqsatynda mynadaı negizgi uǵymdar paıdalanylady: 1) ýákiletti organ – AJ/TQQ týraly Zańǵa sáıkes qarjy monıtorıngin júzege asyratyn jáne qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jónindegi ózge de sharalardy qoldanatyn memlekettik organ; 2) klıent – Sýbektilerdiń qyzmetin paıdalanatyn jeke jáne zańdy tulǵa; 3) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderi – Sýbektilerdi qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý prosesterine nemese ózge qylmystyq isterge qasaqana nemese baıqamaı tartý múmkindigi; 4) qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderin basqarý – qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý táýekelderiniń monıtorıngi, olardy aıqyndaý, sondaı-aq olardy tómendetý boıynsha Sýbektiler qabyldaıtyn sharalar jıyntyǵy (qyzmetterge, klıentterge qatysty); 5) QM-1 nysany – AJ/TQQ týraly Zańnyń 10-babynyń 2-tarmaǵyna sáıkes Qazaqstan Respýblıkasy Úkimetiniń 2012 jylǵy 23 qarashadaǵy №1484 Qaýlysymen bekitilgen Qarjy monıtorıngi sýbektileriniń qarjy monıtorıngine jatatyn operasııalar týraly málimetter men aqparatty berý erejesimen aıqyndalǵan nysan. 5. Ishki baqylaý: 1) Sýbektilerdiń qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly (budan ári – AJ/TQQ) Qazaqstan Respýblıkasy zańnamasynyń talaptaryn oryndaýdy qamtamasyz etýi; 2) Sýbektilerdiń ishki baqylaý júıesiniń tıimdiligin qylmystyq jolmen alynǵan kiristerdi zańdastyrý (jylystatý) jáne terrorızmdi qarjylandyrý (budan ári – AJ/TQ) táýekelderin basqarý úshin jetkilikti deńgeıde qoldaýy; 3) AJ/TQQ táýekelderin tómendetýi maqsatynda júzege asyrylady. 6. Ishki baqylaý erejeleri (budan ári – IBE) AJ/TQQ-ǵa baǵyttalǵan jumystyń uıymdyq negizderin retteıtin jáne Sýbektilerdiń AJ/TQQ maqsatynda is-áreket jasaý tártibin belgileıtin qujat bolyp tabylady. 7. Zańnyń 11-baby 3-tarmaǵyna sáıkes IBE mynadaı baǵdarlamalardy qamtıdy: AJ/TQQ jasaý maqsatynda ishki baqylaýdy uıymdastyrý baǵdarlamasyn; tehnologııalyq jetistikterdi paıdalaný táýekelin qosa alǵanda, klıentterdiń táýekelderin jáne kórsetiletin qyzmetterdi qylmystyq maqsattarda paıdalaný táýekelderin eskeretin, AJ/TQ táýekelin basqarý baǵdarlamasyn; klıentterdi sáıkestendirý baǵdarlamasyn; klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasyn; qarjy monıtorıngi sýbektileriniń qyzmetkerlerin AJ/TQQ máseleleri boıynsha daıarlaý jáne oqytý baǵdarlamasyn; IBE sáıkes qarjy monıtorıngi sýbektileri ázirleýi múmkin ózge de baǵdarlamalardy qamtıdy. 8. IBE uıymdastyrý, iske asyrý jáne saqtaý monıtorıngi boıynsha IBE jaýapty laýazymdy tulǵa ne qurylymdyq bólimshe taǵaıyndaýdy kózdeıdi. Eskertý. Jaýapty tulǵanyń laýazymyna joǵarǵy bilimi joq, ekonomıkalyq qyzmet salasynda aýyrlyǵy ortasha, aýyr jáne asa aýyr qasaqana jasalǵan qylmystary úshin alynbaǵan jáne joıylmaǵan sottalǵandyǵy bar tulǵa taǵaıyndalmaıdy. 9. Sýbektiler «Ákimshilik quqyq buzýshylyq týraly» Qazaqstan Respýblıkasynyń Kodeksine sáıkes IBE ázirleý jáne oryndaý úshin jaýaptylyqta bolady. 10. Eger AJ/TQQ týraly zańnamaǵa ózgerister men (nemese) tolyqtyrýlar engizilgen jaǵdaıda, Sýbektiler olar kúshine engen ýaqyttan bastap 30 kúntizbelik kún ishinde IBE tıisti ózgerister men tolyqtyrýlar engizedi. 2. AJ/TQQ maqsatynda ishki baqylaýdy uıymdastyrý baǵdarlamasy 11. AJ/TQQ maqsatynda ishki baqylaýdy uıymdastyrý baǵdarlamasy: 1) jaýapty laýazymdy tulǵa ne qurylymdyq bólimshe qyzmetiniń sıpattamasyn qosa alǵanda ishki baqylaýdy uıymdastyrý tártibinen, sonymen qatar AJ/TQQ maqsatynda ishki baqylaýdy júzege asyrý barysynda Sýbektilerdiń basqa qurylymdyq bólimshelerimen ózara is-qımyl tártibinen; 2) AJ/TQQ týraly Zańnyń 5-baby 3-tarmaǵynyń 1), 2), 2-1) jáne 4) tarmaqshalarynda kózdelgen sharalardy qoldaný múmkin bolmaǵan jaǵdaıda jeke nemese zańdy tulǵaǵa iskerlik qatynastardy ornatýdan bas tartý, sondaı-aq aqshamen jáne (nemese) ózge múlikpen operasııalardy júrgizýden bas tartý jáne AJ/TQQ týraly Zańnyń 5-baby 3-tarmaǵynyń 6) tarmaqshasynda kózdelgen sharalardy qoldaný múmkin bolmaǵan jaǵdaıda klıentpen iskerlik qatynastardy toqtatý tártibinen; 3) zerdeleýge jatatyn kúrdeli, erekshe iri jáne basqa da erekshe operasııalardy Sýbektilerdiń kúdikti operasııa retinde taný tártibinen; 4) ýákiletti organǵa málimetterdi, aqparatty jáne qujattardy jiberý úshin qoldanylatyn avtomattandyrylǵan aqparattyq júıeler jáne baǵdarlamalyq qamtym jumysynyń nusqamalary men reglamentterin qosa alǵanda ýákiletti organǵa qarjy monıtorıngine jatatyn operasııalar týraly málimetter men aqparatty, jeke nemese zańdy tulǵamen iskerlik qatynastar ornatýdan bas tartý, klıentpen iskerlik qatynastardy toqtatý, aqshamen jáne (nemese) ózge múlikpen operasııa júrgizýden bas tartý faktilerin berý tártibinen; 5) klıenttiń dereknamasyn jáne onymen hat-habar almasýdy qosqanda, klıentti tıisinshe tekserý nátıjeleri boıynsha alynǵan qujattar men málimetterdi, qarjy monıtorıngine jatatyn aqshamen jáne (nemese) ózge múlikpen operasııalar, sonymen qatar kúdikti operasııalar týraly qujattar men málimetterdi, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjelerin qujattyq tirkeý jáne saqtaý tártibinen. Eskertý. Qarjy monıtorıngine jatatyn jáne ýákiletti organǵa beriletin operasııalardy qujattyq tirkeý nómirlengen, tigilgen, basshynyń qoly jáne mórimen bekitilgen qarjy monıtorıngine jatatyn operasııalar týraly málimetteriniń esebi jýrnalynda jazylady. Qarjy monıtorıngine jatatyn operasııalar týraly málimetteriniń esebi jýrnalynda: aqparatty ýákiletti organǵa berý nómiri men kúni; hattamany jiberý negizi; ýákiletti organnyń QM-1 nysanyn qabyldaýy/qabyldamaýy týraly habarlama nómiri men kúni. 6) Sýbektilerdiń qyzmetkerleri olarǵa belgili bolǵan AJ/TQQ týraly zańnamany, IBE Sýbektiler qyzmetkerleriniń buzý faktileri týraly basshyny aqparattandyrý tártibinen. 12. Jaýapty laýazymdy tulǵanyń ne qurylymdyq bólimsheniń ishki baqylaýdy uıymdastyrý baǵdarlamasyna sáıkes mynadaı: 1) IBE ázirleý jáne kelisý, olarǵa basshymen birge ózgerister men tolyqtyrýlar engizý, sondaı-aq olardy iske asyrý jáne saqtaý monıtorıngi; 2) AJ/TQQ týraly Zańǵa sáıkes qarjy monıtorıngine jatatyn operasııalar týraly málimetter men aqparatty ýákiletti organǵa berýdi uıymdastyrý jáne baqylaý; 3) klıent operasııalaryn kúdikti retinde taný týraly sheshimder qabyldaý; 4) klıent operasııalaryn kúrdeli, erekshe iri jáne basqa da erekshe operasııalarǵa jatqyzý týraly sheshimder qabyldaý; 5) klıent operasııalaryn toqtatý ne júrgizýden bas tartý jáne ýákiletti organǵa joldaý qajettiligi týraly sheshimder qabyldaý; 6) klıenttermen iskerlik qatynastar ornatý, jalǵastyrý ne toqtatý týraly sheshimder qabyldaý; 7) klıenttermen iskerlik qatynastar ornatý, jalǵastyrý ne toqtatý týraly sheshimder qabyldaý úshin Sýbekti basshysyna suraýlar joldaý; 8) klıentke (onyń ókiline) jáne benefısıarlyq menshik ıesine qatysty qabyldanǵan sheshimderdi qujattyq tirkeý; 9) IBE iske asyrý barysynda alynǵan derekter negizinde klıenttiń dereknamasyn qalyptastyrý; 10) anyqtalǵan IBE buzý týraly basshyǵa aqparat berý; 11) IBE iske asyrý qorytyndylary jáne AJ/TQ táýekelderin basqarý júıesin jáne AJ/TQQ ishki baqylaýdy jetildirý jóninde usynylatyn sharalar týraly Sýbekti basshysyna esepti usyný úshin aqparat daıyndaý; 12) klıenttiń dereknamasyn jáne onymen hat-habar almasýdy qosa alǵanda, klıentti tıisinshe tekserý nátıjeleri boıynsha alynǵan qujattar men málimetterdi, qarjy monıtorıngine jatatyn aqshamen jáne (nemese) ózge múlikpen operasııalar, sonymen qatar kúdikti operasııalar týraly qujattar men málimetterdi, sondaı-aq barlyq kúrdeli, erekshe iri jáne basqa da erekshe operasııalardy zerdeleý nátıjelerin klıentpen iskerlik qatynastardy toqtatqan kúnnen bastap keminde bes jyl saqtaýdy qamtamasyz etý; 13) AJ/TQQ týraly zańnamaǵa jáne Sýbektilerdiń ishki qujattaryna sáıkes ózge fýnksııalary bar. 13. Sýbektiler júktelgen fýnksııalarǵa sáıkes: 1) óz qyzmetin júzege asyrý barysynda alynǵan aqparatty qupııa saqtaýdy qamtamasyz etedi; 2) AJ/TQQ týraly zańnamany oryndaýyn baqylaýdy júzege asyrý úshin tıisti memlekettik organdarǵa aqparat beredi. 3. AJ/TQ táýekelin basqarý baǵdarlamasy 14. AJ/TQ táýekelin basqarý baǵdarlamasy klıenttiń operasııasyn júzege asyratyn tulǵanyń táýekel deńgeıin berý arqyly AJ/TQ baılanysty klıenttiń aqshamen jáne (nemese) ózge múlikpen operasııalaryn júrgizý táýekeline baǵa berýdi kózdeıdi. Eskertý. Táýekel deńgeıleri qolda bar málimetter negizinde qalyptastyrylady. Táýekelderdi baǵalaý qorytyndylary qujattyq tirkeledi jáne tıisti memlekettik organdardyń jáne Sýbekti múshe bolyp tabylatyn qarjy emes uıymdardyń talaptary boıynsha usynylady. Klıentke berilgen táýekelder deńgeıi qajettiligi boıynsha, alaıda jylyna keminde bir ret qaıta qaralýy tıis. 15. AJ/TQ táýekelin basqarý baǵdarlamasynda táýekeldiń joǵary deńgeıi: 1) mynadaı: FATF usynymdaryn oryndamaıtyn jáne (nemese) tolyq kólemde oryndamaıtyn; jemqorlyq nemese ózge qylmystyq áreketteri joǵary deńgeıdegi; BUU salatyn sanksııalarǵa, embargo jáne sol sııaqty sharalarǵa ushyraǵan; terrorıstik (ekstremıstik) áreketterdi qarjylandyratyn nemese qoldaý kórsetetin jáne belgilengen terrorıstik (ekstremıstik) uıymdary bar memleketten (aýmaqtan) kelgen jeke jáne zańdy tulǵalardyń iskerlik qatynastarǵa jáne mámilelerge; Eskertý. Osyndaı memleketterge (aýmaqtarǵa) BUU-nyń jáne halyqaralyq uıymdardyń málimetteri boıynsha siltemeler ýákiletti organnyń resmı Internet-resýrsynda jarııalanady. 2) mynadaı jaǵdaılarda klıentke: klıent sheteldik jarııa laýazymdy tulǵa ne jarııa halyqaralyq uıymnyń laýazymdy tulǵasy, ne sheteldik jarııa laýazymdy tulǵanyń múddesine (paıdasyna) áreket etetin tulǵa, ne sheteldik jarııa laýazymdy tulǵanyń zaıyby, jaqyn týysy bolǵan; klıent (onyń ókili) ne benefısıarlyq menshik ıesi, ne operasııa boıynsha klıenttiń kontragenti Qazaqstan Respýblıkasynyń normatıvtik quqyqtyq aktileriniń memlekettik reestrinde № 6058 tirkelgen Qazaqstan Respýblıkasy Qarjy mınıstriniń m.a. 2010 jylǵy 10 aqpandaǵy № 52 buıryǵymen bekitilgen offshorlyq aımaqtar tizbesine engen memlekette nemese aýmaqta tirkelgen nemese qyzmet etken; klıent AJ/TQQ týraly Zańnyń 12-babyna sáıkes Terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesine engen; azamattyǵy joq bolyp tabylatyn klıent, ne Qazaqstan Respýblıkasynda tirkelgen nemese Qazaqstan Respýblıkasynda kelý mekenjaıy joq; memlekettik tirkeý kezinde klıenttiń málimdelgen orny onyń basqarý organynyń is júzindegi qyzmet ornymen sáıkes kelmegen; klıentpen iskerlik qatynas erekshe (mysaly, Sýbekti men klıenttiń arasynda túsiniksiz geografııalyq araqashyqtyq bar) jaǵdaılarda júzege asyrylǵan; klıenttiń qyzmeti qolma-qol aqsha qarqyndy aınalymymen baılanysty; klıent bergen málimetterdi tekserý kezinde Sýbektilerde qıyndyqtar paıda bolǵan; klıent operasııa júrgizýdi tezdetken, ne paıdalanylýy Sýbektilerdiń ádettegi tájirıbesinen aıyryqshalanatyn standartty emes erekshe eseptiń kúrdeli shemalaryn júrgizýdi talap etken; klıent jańa, sondaı-aq qolda bar ónimderge berýdiń jańa tetikterin, jańa jáne damyp kele jatqan tehnologııalardy qosa alǵanda jańa ónimderdi jáne jańa iskerlik tájirıbeni qoldanǵan; klıent qarjy monıtorıngi rásimderinen jaltarýǵa baǵyttalǵan is-qımyl jasaǵan; klıent kommersııalyq emes uıym bolyp tabylǵan; klıent operasııalary buryn kúdikti dep tanylǵanda; AJ/TQ-dyń joǵary táýekelimen baılanysty klıent týraly ózge aqparat bolǵan jaǵdaıda; 3) operasııalar: taraptardyń is júzinde qatysýynsyz júrgiziletin; belgisiz nemese baılanysty emes úshinshi taraptyń atynan nemese onyń paıdasyna júrgiziletin; qolma-qol esep aıyrysýdy qosa alǵanda jasyryn bank shottarymen nemese jasyryn, oılap tabylǵan esimderdi qoldanýmen baılanysty; aıqyn ekonomıkalyq máni joq nemese anyq qoıylǵan zańdy maqsaty joq; klıenttiń oǵan tán emes jıilikpen, ne osy klıent úshin erekshe iri somaǵa júrgizilgen; AJ/TQ-dyń joǵary táýekeli týraly aqparat bar bolǵan jaǵdaıda beriledi. AJ/TQ táýekelin basqarý baǵdarlamasynda táýekeldiń tómen deńgeıi: 1) mynadaı: FATF usynymdaryn oryndamaıtyn jáne (nemese) tolyq kólemde oryndamaıtyn memleketter (aýmaqtar) tizbesine enbegen; jemqorlyq nemese ózge qylmystyq áreketteri tómen deńgeıdegi memleketten (aýmaqtan) kelgen jeke jáne zańdy tulǵalardyń iskerlik qatynastary men mámilelerine; 2) klıent qarjy mekemesi – qarjy monıtorıngi sýbektisi bolǵan jáne sońǵy bir jylda AJ/TQQ týraly zańnamany saqtamaǵany úshin ákimshilik jaýapkershilikke tartylmaǵan jaǵdaıda; 3) operasııalar: memlekettik satyp alý týraly sharttardy oryndaýmen jáne halyqaralyq aýdarymdardy júzege asyrýmen baılanysty jaǵdaılardy qospaǵanda memlekettik mekeme nemese kásiporyn jasaǵan; zeınetaqy, járdemaqy jáne basqa memlekettik bıýdjetten tólenetin áleýmettik tólemderge baılanysty beriledi. 4. Klıentterdi sáıkestendirý baǵdarlamasy 16. Klıentterdi sáıkestendirý baǵdarlamasy klıent júzege asyrǵan operasııalardy qarjylandyrý kózi týraly málimetterdi qosa alǵanda klıent (onyń ókili) jáne benefısıarlyq menshik ıesi týraly málimetterdi, anyqtaý, buryn alynǵandy jańartý boıynsha sharalardy Sýbektilerdiń júrgizýi bolyp tabylady jáne: 1) AJ/TQQ týraly Zańy 5-babynyń talaptaryna sáıkes klıentti (onyń ókilin) jáne benefısıarlyq menshik ıesin tıisinshe tekserý jónindegi sharalardy saqtaý; 2) AJ/TQQ týraly Zańnyń 5-baby 3-tarmaǵynyń 6) tarmaqshasyna sáıkes klıent (onyń ókili) jáne benefısıarlyq menshik ıesi týraly málimetterdiń durystyǵyn tekserý; 3) AJ/TQQ týraly Zańnyń 12-babyna sáıkes Terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesimen kózdelgendeı klıentke (onyń ókiline) jáne benefısıarlyq menshik ıesine qatysty olardyń terrorızmdi jáne ekstremızmdi qarjylandyrýmen baılanysynyń baryn nemese joǵyn; 4) AJ/TQQ týraly Zańy 8-babynyń talaptaryna sáıkes klıenttiń sheteldik jarııa laýazymdy tulǵaǵa, onyń otbasy múshelerine jáne jaqyn týystaryna jatatynyn jáne (nemese) qatystylyǵyn tekserý; 5) AJ/TQQ týraly Zańnyń 4-baby 4-tarmaǵynyń 4) tarmaqshasyna sáıkes FATF usynymdaryn oryndamaıtyn memlekette (aýmaqta) tirkelgen nemese turatyn ne kórsetilgen memlekette (kórsetilgen aýmaqta) tirkelgen banktegi shotty paıdalanatyn jeke tulǵalardy anyqtaý; 6) táýekelderdi basqarý baǵdarlamasyna sáıkes klıentke berilgen táýekel deńgeıine baılanysty klıentti tıisinshe tekserý sharalaryn qoldaný; 7) klıentti sáıkestendirý nátıjeleri boıynsha alynǵan málimetterdi, klıent (onyń ókili) jáne benefısıarlyq menshik ıesi týraly sáıkestendirý málimetteriniń ózgerýine baılanysty, alaıda jylyna keminde bir ret málimetterdi jańartý rásimderin qosady. Eskertý. Táýekel deńgeıi joǵary klıent (onyń ókili) jáne benefısıarlyq menshik ıesi týraly málimetter jarty jylda keminde bir ret jańartylyp otyrady. AJ/TQQ týraly Zańnyń 5-baby 3-tarmaǵynyń 1), 2), 2-1) jáne 4) tarmaqshalarynda kózdelgen sharalardy qoldaný múmkin bolmaǵan jaǵdaıda, klıentpen iskerlik qatynastardy ornatýdan, sondaı-aq aqshamen jáne (nemese) ózge múlikpen operasııalardy júrgizýden bas tartqan jaǵdaıda Sýbektiler ýákiletti organǵa osyndaı bas tartý faktileri týraly QM-1 nysany boıynsha habarlama jiberedi. AJ/TQQ týraly Zańnyń 5-baby 3-tarmaǵynyń 6) tarmaqshasynda kózdelgen sharalardy qoldaný múmkin bolmaǵan jaǵdaıda, sondaı-aq klıent jasaıtyn operasııalardy zerdeleý prosesinde klıent iskerlik qatynastardy AJ/TQ maqsatynda paıdalanylanady degen kúdik týyndaǵan jaǵdaıda, Sýbektiler klıentpen iskerlik qatynastardy toqtatýǵa quqyly. Eger iskerlik qatynastar joǵaryda kórsetilgen negizder boıynsha toqtalsa, Sýbektiler ýákiletti organǵa QM-1 nysany boıynsha habarlama joldaıdy. 5. Klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasy 17. Sýbektiler mynadaı operasııalardy anyqtaýdy qamtıtyn, klıentterdiń kúrdeli, erekshe iri jáne basqa da erekshe operasııalaryn zerdeleýdi qosa alǵanda, klıentterdiń operasııalaryna monıtorıng júrgizý jáne olardy zerdeleý baǵdarlamasyn ázirleıdi: 1) AJ/TQQ týraly Zańnyń 4-babynyń 1 jáne 2-tarmaqtarynda kórsetilgen; 2) AJ/TQQ týraly Zańnyń 4-babynyń 3-tarmaǵynda kórsetilgen; 3) AJ/TQQ týraly Zańnyń 4-babynyń 4-tarmaǵynda kórsetilgen. 18. Sýbektiler klıentke joǵary deńgeıdegi táýekel berilgen jaǵdaıda klıent sońǵy jylda júrgizgen barlyq operasııalardy zerdeleıdi. 19. Klıentterdiń operasııalaryna monıtorıng júrgizý jáne olardy zerdeleý baǵdarlamasyn iske asyrý aıasynda alynǵan málimetter qujattyq tirkeledi jáne klıenttiń dereknamasyna engiziledi. 20. AJ/TQQ týraly Zańnyń 4-baby 1, 2 jáne 3-tarmaqtarynda kórsetilgen klıenttiń anyqtalǵan operasııalary týraly málimetter men aqparattar ýákiletti organǵa QM-1 nysany boıynsha usynylady. 21. Sýbektiler mindetti zerdeleýge jatatyn operasııalar týraly habarlamany osyndaı operasııa kúdikti retinde tanylǵan kúnnen keıingi kelesi jumys kúninen keshiktirmeı ýákiletti organǵa usynady. 6. Sýbektiler qyzmetkerlerin AJ/TQQ máseleleri boıynsha daıarlaý jáne oqytý baǵdarlamasy 22. Qyzmetkerlerdi AJ/TQQ máseleleri boıynsha daıarlaý jáne oqytý baǵdarlamasy Qazaqstan Respýblıkasynyń normatıvtik quqyqtyq aktileriniń memlekettik reestrinde № 10001 tirkelgen Qazaqstan Respýblıkasy Qarjy mınıstriniń 2014 jylǵy 28 qarashadaǵy № 533 buıryǵymen bekitilgen Qarjy monıtorıngi sýbektilerin jumyskerlerdi daıarlaý jáne oqytý boıynsha qoıylatyn talaptarǵa sáıkes ázirlenedi. Buıryq Qazaqstan Respýblıkasynyń Ádilet mınıstrliginde 2014 jylǵy 3 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №9920 bolyp engizildi.